女子組合Super Girls隊長Aka（趙慧珊）今日以Sport Bra加短褲造型現身柴灣，為維特健靈瘦身代言產品拍攝廣告，大晒23吋半纖腰、力Sell健康性感！講到她疫市之下仍能有代言工作，Aka透露代言費有6位數字，「逆境自強」難怪她大叫滿意兼感恩！不過她自言接下代言之後好大壓力，要更加鞭策自己多做運動：「唔肥得！個個都話我好瘦，其實我大髀內側、腰間有好多『鬼祟肉』，人大咗新陳代謝就減慢。」
拒絕追求者
Aka又自爆黑歷史，自稱是「潛力股」：「最肥係成120幾磅！依家都算係最瘦，104磅。」問到變瘦後這身造型會是性感極限？她大笑話未到：「但如果係三點式就要再問媽咪同經理人。（咁男友呢？）好彩我冇，所以自由到不得了！（有追求者？）前排有，但冇埋！佢有同我表白嘅，不過係我唔想，目前麻麻哋拍拖，覺得拍拖好攰，加上我想搵結婚對象，咁就要睇定啲！（個男仔畀你拒絕之後做唔做得番朋友？）要唔見一排先得，唔想再見面就好似仲畀緊機會人。」
東網網站 : https://on.cc/
東網Facebook專頁 : https://www.facebook.com/onccnews/
