藝人兼DJ小儀主持的節目向來大受歡迎，故離開無綫後，即獲得另外兩間電視台的垂青，原來除了現與香港開電視合作主持節目《酒勻全香港》外，她亦加盟ViuTV拍新節目！但就有傳原本她在上星期六、日開廠拍攝新節目，但因縮減製作成本，故令節目突然煞停！
對此小儀回覆東網表示：「以我所知同Budget無關嘅！其實節目仲係喺預備階段，好多內容細節都想度多啲。而節目亦有好多機關，較為大型，需要多啲時間去做好啲，同埋每集都會有嘢改動，幕後要多啲時間去研發，所以節目唔係依家咁快拍住！（幾時拍番？）應該今年內會拍番，放心！（節目係咩內容？）節目內容唔講住喇，總之我哋目標係帶畀觀眾開心同新鮮感！」
她亦笑言心急想快些拍此節目，甚至其他節目：「總之好快就有節目出現喺ViuTV同香港開電視！」
東網網站 : https://on.cc/
東網Facebook專頁 : https://www.facebook.com/onccnews/
