香港最近發生嘅事經常出現急速變化，跟得唔貼就會追唔到。話說大埔區議會主席黃碧嬌，本來打算批准該區民主派區議員討論反對修訂《逃犯條例》嘅動議，但今日(18日)同秘書處開會，檢視政府各部門嘅回應，發現議員質詢問題基本已有答案，最終拍板決定唔批准下月大會作相關討論。
黃碧嬌承認區議員提動議時間足夠，符合會議常規，本應打算同其他委員會一樣咁處理，但因為呢排修例事態發展急速，今日再同秘書處審議有關動議內容時，發現講及警方處理上周於金鐘發生衝突嘅手法，但警方日前召開記者會已經回應咗議員大部分問題，故認為不宜再喺大會討論。
佢又話相關警民衝突唔係喺大埔發生，警方都已經詳細回應，議員如有特別跟進可以同部門聯絡，甚至有投訴可按當局現行機制處理，希望大會集中處理大埔區內事務為先。
東網網站 : https://on.cc/
東網Facebook專頁 : https://www.facebook.com/onccnews/
