香港郵政今年10月時曾公布明年4月兒童節發行嘅一套6枚、以圍棋為主題嘅5蚊郵票,原本公布嘅圖稿,郵票上6位小朋友衣着分別係黑色同白色,但直到尋日(13日)公布嘅新聞稿,黑衫黑褲嘅小朋友衣着顏色變咗啡色,而白衫白褲小朋友則改為穿上黃色褲,上身仍然係白色。有網民批評政府轉小朋友衣着顏色失去咗原圖嘅意義,變更未免多此一舉,亦有網民直斥政府怕事同無聊。
我哋同香港郵政查詢過轉顏色嘅原因,有冇政治因素考慮,同埋係咪同最近修例風波有關?佢哋話修改純屬設計上嘅優化,目的係為咗配合呢套郵品其餘5枚郵票上鮮明奪目嘅顏色,令成個系列更能夠呈現兒童郵票嘅活潑主題。
香港郵政又話,今年10月份公布明年發行嘅各套特別郵票的圖片預覽,僅供參考之用,而各郵票主題、設計或其他細節喺發行日前亦不時更改。
東網網站 : https://on.cc/
東網Facebook專頁 : https://www.facebook.com/onccnews/