身兼行政會議成員嘅議員張國鈞(Horace)地區辦事處再遭破壞。Horace位於柴灣漁灣邨辦事處今日(26日)畀人淋紅油，佢強烈譴責暴徒嘅違法惡行，批評暴徒視法治如無物，強烈要求警方嚴正執法，將暴徒繩之於法。
Horace喺社交平台上載照片，顯示其位於漁灣邨嘅議辦大門、鐵閘、窗口同告示板都被淋上紅油，地面亦沾有紅油。Horace喺貼文中批評暴徒惡行嚴重影響辦事處為街坊提供服務，又話雖然呢個議辦過去一段時間先後受到唔同形式嘅滋擾同恐嚇，但仍然會以無畏無懼嘅決心，繼續服務街坊，做好應對新冠肺炎嘅抗疫工作。
其實Horace另一個地區辦事處亦曾遭受破壞，舊年8月頭有示威者就喺反修例遊行期間，破壞佢位於西環山市街嘅議員辦事處，當時佢個議辦有兩塊玻璃被打爛咗。
東網網站 : https://on.cc/
東網Facebook專頁 : https://www.facebook.com/onccnews/
