立法會內務委員會(內會)今日(29日)處理4項同議員相關嘅譴責議案時,建制派議員周浩鼎話要先處理譴責鄭松泰同林卓廷議案,結果畀其他建制派反對,話擔心會有偏私之嫌。
立法會有多項譴責議員議案,需要成立調查委員會跟進,內會徵詢議員意見,而今日內會就處理4項譴責議案,當中2項分別係公民黨郭家麒同議會陣線毛孟靜動議譴責建制派何君堯議案,亦有新民黨容海恩動議譴責熱血公民鄭松泰,何君堯動議譴責民主黨林卓廷。
期間周浩鼎提出要優先處理譴責鄭松泰同林卓廷,佢話林卓廷涉及舊年721事件,而鄭松泰則涉及舊年7月1日破壞立法會,係好嚴重嘅事情,點都要盡力處理。但就遭建制派謝偉俊、張宇人同謝偉詮反對,話今屆會期就完,建議唔好再加重秘書處工作,浪費資源浪費時間,同埋唔好畀外界有印象覺得,建制派恃人數多而針對部分議員調查喎。李慧琼就回應話秘書處都覺得動議未必可行,會再研究。
東網網站 : https://on.cc/
東網Facebook專頁 : https://www.facebook.com/onccnews/