正在赤柱監獄服刑嘅立法會社會福利界議員邵家臻，其議辦仍繼續運作，他早前圖申請外出到立法會開會已被懲教署拒絕，但原來佢仍未心息。議員朱凱廸今(19日)喺社交網站透露，日前去咗探監，邵已再向懲教署申請外出，企圖喺下周三(29日)出席立法會大會提口頭質詢。
朱凱廸又喺貼文聲稱，由於口頭質詢必須由本人出席讀出，否則不會處理，話邵家臻希望戴手銬出席大會為打工仔發聲。不過，據了解，屆時有可能由專業議政嘅議員或工黨張超雄幫忙，但人選未定，就算指定議員無現身，《議事規則》係容許由內務委員會主席幫忙提問都可以。根據紀錄，今年3月27日大會上，議員謝偉俊亦係提口頭質詢時不在席，已由內會主席李慧琼代問。
此外，朱又話，邵嘅精神唔錯，最唔適應係熱，因為邵住喺監房頂層，走廊只有12部電風扇，倉門通風唔夠，令倉內非常侷熱。佢亦引述邵話，有囚友入倉後就坐定定唔郁，等到熱氣消散先瞓，希望懲教署可以容許囚友用工作薪酬買手提風扇，捱過夏天。
東網網站 : https://on.cc/
東網Facebook專頁 : https://www.facebook.com/onccnews/
