立法會議員何君堯喺10月底被英國一所大學褫奪名譽博士學位，引來唔少人幸災樂禍。不過，上周五(6日)有內地大學頒番個名譽博士學位畀佢，雖然依然有人睇唔過眼，但佢個學位似乎已得到民主派認證喇。
何君堯現時面對兩個由民主派議員提出嘅譴責動議，不過早前因為其名譽博士學位被褫奪，呢兩個動議嘅英文版本曾經作出修改，就係將「Dr Hon Junius HO」，改做「Hon Junius HO」，刪去其博士銜頭。
不過，何君堯最近獲得中國政法大學頒授名譽博士學位，就令到呢兩個譴責動議改完又改，加返「Dr」上去，證明邊間大學其實唔重要，最重要係個銜頭喇。另外，立法會網站亦都迅速更新，同樣將何君堯嘅「Dr」銜頭加番，而學歷及專業資格一欄亦更新添，依家個個都知何君堯獲內地大學頒授法學名譽博士學位喇。
東網網站 : https://on.cc/
東網Facebook專頁 : https://www.facebook.com/onccnews/
