藝人黃浩然與湯洛雯（靚湯）主演劇集《法證先鋒IV》開播錄得33點收視，成績算是近年之冠，二人對此感到相當滿意，不過靚湯笑言自己首集未出場：「都擔心今晚（第二集）見到我，收視會下跌。」
黃浩然則表示：「收視有咁好成績，證明咗監製梅小青姐嘅魅力，佢叫我一定要講，佢想平到《深宮計2宮心計》創下嘅36.5嘅收視。」黃浩然搞笑叫靚湯倘若收視達40點的話，她着三點式「慶功」，靚湯即答：「40點梗係着返「40點式」出嚟啦，全新遮住曬。一係不如叫小青姐着三點式囉！」
靚湯自嘲出場似暴龍
靚湯又搞笑指當初接令開工，尚未成功瘦身，故擔心自己太肥會趕客：「出場一刻十足一隻暴龍。其實拍嘅時候壓力好大，好記得浩然唔笑嘅時候我都好驚佢，後來發現佢好照顧我，亦多謝團隊容忍我成日NG。」黃浩然為鼓勵靚湯修身成功，竟搞笑說：「靚湯呢？唔見咗佢嘅？」他又大爆靚湯入戲後有新花名「一take湯」，表現絕不失禮。
東網網站 : https://on.cc/
東網Facebook專頁 : https://www.facebook.com/onccnews/
