藝人岑麗香與老公強強結伴出席好友廖碧兒舉行的晚宴，提到廖碧兒講明不醉無歸，香香說：「唔得，呢排少飲咗，因為忙屋企嘅嘢，間唔中都會享受吓。（兩公婆會一齊飲酒？）會呀，間唔中慶祝開心事。」提到有指她為囝囝鋪路入名校，搬去逾2千萬的干德道豪宅，她說：「係搬咗。（層樓係買？）唔好講呢啲啦。」隨即轉移話題講工作：「我聽日就開工啦，要拍電影，係關於打拳嘅，好彩我個角色唔叻打拳，但都要練習。」
她又透露這是產後首個工時較長的工作，問到可會掛住囝囝？她說：「會呀，所以要心理準備，依家要練習同囝囝分開，同埋練習同佢Facetime，等佢慣咗喺電話見到我。（到時得強強一個湊？）屋企都有人幫手，好彩囝囝個個都肯黐，好乖，可能都仲係8個幾月。」她透露電影預計拍一、兩個月，拍完就會開拍劇集《BB來了2》，幸好聖誕、新年都會放假。問到工作忙碌豈不是沒有時間追多個BB？她說：「依家想三人世界先，都想追多個，但要遲啲先。」
東網網站 : https://on.cc/
東網Facebook專頁 : https://www.facebook.com/onccnews/
