歌手糖妹有份演出無綫新劇《香港愛情故事》，今日她跟王敏奕（Venus）開工拍攝，糖妹回覆東網說：「我會演出幾集戲，監製話突然諗起我，因為我係演Venus個朋友，咁現實生活中我哋真係老友，所以冇問題呀，同老友一齊開工係開心嘅。」
糖妹跟Venus曾一齊拍過廣告，拍劇則是第二次合作，她說：「都係《女人俱樂部》個監製，佢有份睇住我哋大，所以好似時光倒流，係興奮嘅。」她指Venus的角色好Cool，有次兩人在家中對戲，她都要花時間去適應，因為不慣對方咁Cool，她說：「始終佢演戲經驗比我豐富，有時我同其他人嘅對手戲，佢都好主動幫我去對戲。」
談到新冠肺炎疫情持續，她表示開工時都會互相提醒，對手日日都噴消毒液，警覺性高咗。本來她要到台灣錄新歌，如今要暫時停下來，她說：「大家都話依家有工開係好事，我都托賴，工作都冇點停，拍完呢個劇，接住就開新一輯《陀槍師姐》。」
東網網站 : https://on.cc/
東網Facebook專頁 : https://www.facebook.com/onccnews/
