藝人陳瀅（Jeannie）最近飛到夏威夷為好友婚禮擔任姊妹，當晚更接到花球，相當幸運。呢次除咗做姊妹之外，Jeannie都順道喺當地旅行度假，好好享受一下陽光與海灘，佢早喺出發前仲曾經預告一早買定三套泳衣，視乎做gym操弗嘅情況決定着邊套，令唔少男粉絲都好期待！
呢日佢就喺社交網晒出一段水着短片，片中見佢以露膊淺藍色泳衣上陣，少女味十足之餘，仲騷出事業線，相當有睇頭！Jeannie仲大玩揈水髮，女神味出晒嚟，不過原來呢招都得來不易，事關佢晒出另一段失手片段，當中見佢向後揈秀髮嘅時候，一啲水花都冇，仲要失平衡向後跌，認真搞笑。
東網網站 : https://on.cc/
東網Facebook專頁 : https://www.facebook.com/onccnews/
