好多人都鍾意用即影即有Snap Shot,除咗貪佢即刻有相睇,外形漂亮都是原因之一。最近Fujifilm就為旗下instax WIDE 300追加全新TOFFEE拖肥配色,沿用同系列的經典造型,以白色作為機身主調,鏡頭環及快門按鈕周圍以淺啡色作點綴,並在機身右上角鑲上金色立體 「instax WIDE 300」字樣,整體賣相簡約清新,予人濃厚的文藝氣息。
instax WIDE 300所用的菲林尺寸是instax mini菲林的兩倍,更寬闊的菲林通用於多個場合,同時機身自帶近拍鏡頭,可清楚拍攝近至40cm距離的景物,影花影LEGO都難佢唔到。相機的閃光燈設有不同模式,例如低光時自動開啟閃光燈,遇着背光場景時可強制閃光,另外還可啟動曝光補償,以助提升相片氛圍。
Fujifilm instax WIDE 300 TOFFEE現已發售,而除了此色,同期仲有全黑色版本發售。
東網網站 : https://on.cc/
東網Facebook專頁 : https://www.facebook.com/onccnews/