玄學家李居明、藝人陳自瑤、石詠莉、莊思敏、石修及蓋鳴暉等到北角新光戲院出席電影《致富者聯盟》首映，監製《致富者聯盟》的李居明甫現身即表示早前為香港鼠年求籤，結果求得「中中籤」，他說：「豬年同薛家燕試過租咗架直升機喺黃大仙廟上空求籤，當時求得下下籤，所以今次好緊張，好彩今次求得五十中中籤，籤文係指香港將走出難關，登向好嘅方向，總體嚟講2020年比2019年好，香港現時表面好似好動盪，但其實並非想像中咁差，大家唔使移民。」至於電影、電視圈方面，李居明直言依然不景氣，要靠拍一些異類電影，或者成本不高但有意思的小製作才有出路。
李居明又指《致富者聯盟》片教人致富，記者笑指可有過兩招給陳自瑤？李居明即謂：「拍攝時佢話想自力更生，喺杜拜拍攝期間，我咪幫佢補金囉，當時佢金器由頭戴到落腳，返香港即接咗個豐胸代言人工作，聽講酬勞過百萬。至於莊思敏拍攝時都未有拍拖，同佢做法事催谷吓，即刻搵到台灣honey！」
東網網站 : https://on.cc/
東網Facebook專頁 : https://www.facebook.com/onccnews/
