愛車遭鎖，大媽「瞓身」拯救？近日沙田第一城有大媽稱泊低愛車1分鐘後，秒被職員鎖車，不斷拉着職員苦苦哀求︰「你蝦人嘅」。
有網友周一（15日）將影片上載至Facebook群組「馬路的事討論區」，據片段所見，有黑色私家車的前車胎已落鎖。一名身穿粉紅色長裙的大媽在車旁硬扯着職員的衣袖求情︰「1分鐘攞順豐嘅嘢，又唔係第一次喺度攞，你通融吓嘛」。
該職員試圖掙脫大媽的「箝制」：「抆爛我件衫都冇用！鎖咗就開唔到，去保安部嗰邊講啦。」惟大媽仍繼續糾纏︰「真係一分鐘咋，你頭先未鎖嗰時，我已經落咗嚟啦，你係咪過分得濟…人哋警察抄牌，見到有人都照畀人哋行啦，我企咗架車隔籬，你都要照鎖」。
不少網民揶揄謂：「人到都鎖就衰啲」、「明知第一城出名，自己住附近都要泊喺度」、「都係嗰句，個個都一分鐘，個個都話好快，咁唔使車場啦」。
---------------
《港呢啲》：大事小事騎呢事，東網嚴謹選題，輕鬆製作！
東網網站 : https://on.cc/
東網Facebook專頁 : https://www.facebook.com/onccnews/