藝人黃建東（Derek）早前與母親演出無綫節目《流行經典50年》彈唱跳《活色生香》廣受好評，更獲導演張之珏青睞，邀請擔任音樂會的演出嘉賓，再度自彈自唱演繹這首歌。張導演更代替黃媽媽與Derek共舞，Derek大呼好玩：「我哋當下隨着音樂即興跳舞，冇諗過咁合拍同埋觀眾反應咁熱烈，直頭好似將《流行》嘅母子檔變成父子檔，令我好想叫張導演做爸爸。」音樂會當晚，Derek演出後在後台化身小粉絲四處跟前輩們集郵，尤其看到偶像何家勁非常興奮：「細個好喜歡看包青天，覺得展昭有型身手又敏捷，冇諗過親眼見到勁哥真人完全冇變過，又Fit又靚仔。我望住自己嘅肚腩真係好慚愧。」
東網網站 : https://on.cc/
東網Facebook專頁 : https://www.facebook.com/onccnews/
