歌手連詩雅（Shiga）、吳浩康、菊梓喬、陳曉華、郭子豪、楊柳青和天堂鳥等到電視城出席《善心滿東華2019》拜神，Shiga獻唱新歌《說分手》，她表示已連續幾年為籌款節目表演，覺得很有意義。
一早知情幫手保密
講到好友周柏豪秘密做爸爸，她表示自己一早知情，但有幫手守秘密：「佢當我朋友先同我講，我都冇講出去，我已經恭喜咗佢，BB女好得意，最緊要健康，我好似自己生咁，係咁問幾時預產期。（你送咗咩賀禮？）送咗補品畀阿嫂，BB就未，等100日再送。（BB似邊個？）嘴仔似柏豪，但BB成日變樣，總之非常得意，未見過有新出世BB咁多頭髮，希望呢個小公主健康。（會唔會上契？）應該好多朋友會，我唔好意思開口，都係一個儀式啫！我都當佢係姨甥女咁。」
東網網站 : https://on.cc/
東網Facebook專頁 : https://www.facebook.com/onccnews/
