請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

星相

想做你杯茶 令十二星座男心動的類型 (下)

Homita

更新於 2020年02月19日17:12 • 發布於 2020年02月19日12:49 • Y小編

鐘意一個人但又唔知點入手?不如試下做少少改變令佢莫明奇妙在意你啦! 正所謂各花入各眼,人人嘅喜好未必一樣,想成為佢眼中嘅女神但又無從入手? 不如參考下佢嘅星座再對症下藥啦!

天秤座男生:大大咧咧型

唔好以為傻大姐就無市場,係天秤男眼中,呢類女仔係不可多得嘅寶藏!一個大大咧咧嘅女仔雖然少咗啲女人味,但佢地嘅瀟灑豪爽可以比人不同嘅體驗。對於唔鐘意婆婆媽媽、攻心計嘅天秤男黎講,這類女仔就最啱佢!

 

天蠍座男生:自強自立型

係天蠍男眼中,愛情只係生活中嘅一部分,並非全部,所以有時候,佢地需要足夠嘅私人空間同工作時間。只有自強自立型嘅女仔先可以成全天蠍男。太過小鳥依人、黏人嘅女孩,恕大天蠍不奉陪!

 

射手座男生:身材誘人型

直接啲,射手睇重嘅係火辣嘅身材,不得不提嘅係,呢個星座太有玩心,約炮嘅念頭比交往嘅念頭強烈!如果你有住誘人身材,哪怕唔係花容月貌,射手男都會被你迷得死去活來,特別想要親自體驗一下同你親密接觸嘅快感。

 

山羊座男生:清純懵懂型

世界太複雜,山羊男只需要一個清純懵懂嘅女仔就夠。太過世故佢唔鍾意,心計太多佢又怕,矯情做作唔舒服,嗲聲嗲氣差評,佢地只係想要安安靜靜咁戀愛,就唔使太浮誇啦。

 

水瓶座男生:貌美姐姐型

水瓶男睇落高冷,其實係廢事對熱情嘅平凡人交心,面對比佢地自己更高冷嘅姐姐型美女,佢地係完全無招架之力。一個眼神、一個動作,都足以勾起心動嘅感覺,如果加多對大長腿,穿著打扮又特別強勢,毋須多講,水瓶男心甘情願跟你走!

 

雙魚座男生:主動嫵媚型

你唔需要有女神嘅外表,有萬千風情就可以,輕輕放個電,就足以令雙魚心跳個不停。佢地特別鍾意有女人味嘅人,都鍾意玩啲曖昧行為嘅暗示,太Cool太難追嘅佢地根本不抱幻想,主動型絕對占先機!

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0