藝人劉小慧晚上接受電台訪問，節目中談及藝人的傳聞，當年有傳劉小慧懷孕時冇錢？她解釋是受訪時詞不達意所致：「係我接受雜誌訪問講緊係1997年，我演繹得唔好話冇錢開飯，其實我係從來都未試過冇錢開飯，生活亦一直唔差，只係當年經濟低迷，老公（蘇志威）嗰年冇咩做，冇收入自然有啲膽怯，唔想咁擔心，咁我就不如出返嚟登台。」
驅使她登台的另一原因係發覺自己開始變成「黃面婆」，只有工作才會執番正自己，但當年到大陸登台環境複雜，所以唱了一輪已經沒有再去。
對於復出樂壇，劉小慧坦言沒興趣，若是留戀唱歌，當年也不會這麼早就退出，又自嘲不是唱家班，連自己也不欣賞自己的歌藝，現時聽到當年的歌聲也會打冷震，她說：「依家做KOL係我最鍾意嘅嘢，係人生另一個高峰，活得好開心，唔會因為49歲而慢活，反而係『快』活，高速咁活在當下。」
東網網站 : https://on.cc/
東網Facebook專頁 : https://www.facebook.com/onccnews/
