藝人孫慧雪（雪雪）雖然已經成為人母，但依然少女味極濃，佢不時都喺社交網騷身材，大派福利！再過兩個月，書展就正式開鑼，雪雪之前推出嘅寫真集大受好評，佢決定今年出書再戰書展，不過就唔係寫真集而係散文集，令唔少粉絲大為失望。日前佢為力保宅男女神地位，喺社交網上載一張性感照片，身穿紅色吊帶裙嘅雪雪微露事業線，仲留言話：「好多鍾意嘅相，都忍手唔Po，大概等今年書展，就畀佢哋見光啦！」意味住佢本散文集將會晒冷公開性感相，搞到唔少網民都話好期待呀！
東網網站 : https://on.cc/
東網Facebook專頁 : https://www.facebook.com/onccnews/
