《金宵大廈》睇到意猶未盡，仲抽離唔到大結局？話咁快，新劇《解決師》就要接檔播出啦！由王浩信、唐詩詠、張頴康、陳敏之、馮盈盈主演，作為 TVB 2019台慶劇之一，未開播已經受到不少觀眾期待，尤其這部劇又見到熟悉的螢幕情侶王浩信、唐詩詠，他們這次在劇中能不能開花結果呢？還有一班校園小鮮肉加持，會令《解決師》可觀指數大大增加嗎？
大台一早已經開始為《解決師》出盡力宣傳，作為台慶劇之一，並接檔《金宵大廈》播出，它能不能借金宵光環挽回TVB收視，繼續好成績呢？而男主角王浩信在經歷婚變傳聞之後，形象插水，人氣大不如前他盼憑劇集和角色重新彈起，究竟《解決師》又能不能幫他解決這個難題呢？劇集剛開播就請大家拭目以待，不過這套劇還是有幾大看點，值得大家率先留意的。
台慶劇《解決師》看點：#1 失婚王浩信翻身作
王浩信去年深受婚變傳聞影響，因為各種桃色新聞以及老婆陳自瑤終於心淡離婚等消息，形象插水變渣男，之後他就疊埋心水，食齋、練武兼專心飛到墨爾本拍劇避世。劇集《解決師》就是在王浩信經歷這段低潮期時拍出的作品。
在《解決師》劇中，王浩信飾演一個社團打手兼學校班主任老師，頗有日本動畫《暗殺教室》中的殺手老師feel。因為劇中又要打人，又有橄欖球教練的戲份，所以王浩信動作戲相當多。
拍攝劇集《解決師》時負面新聞纏身，一腔怒火的王浩信拍打戲都俾多兩錢肉緊，雖然之前曾經在《兄弟》中都嘗試過不少打鬥戲份，但拍開有條癮的他看似進一步走上打星之路。王浩信作這次更加是首次以真正的「動作演員」身份去拍劇，劇中絕大部分打鬥場口都是他親身上陣。
王浩信表示希望觀眾睇劇的時候可以感受到打鬥場口中自己真打實鬥的感覺，他說：「基本上睇上去出咗十成力嘅表演，其實自己都用咗八成力去打。」
台慶劇《解決師》看點：#2 王浩信、唐詩詠再續前緣
在TVB人氣劇集《不懂撒嬌的女人》中，王浩信和唐詩詠最後的結局令不少觀眾感到唏噓。這次新劇《解決師》又再找來這對螢幕情侶再續前緣，一個是打手，一個是黑幫千金，而兩人表面上還是同一班的班主任。
▲相信在劇中他們都會發展一段浪漫的愛情故事。
而張曦雯則是王浩信劇中已故的前女友，以及任教學校學生的姐姐，關係錯綜複雜。
▲觀眾最想看到的，肯定是螢幕情侶王浩信和唐詩詠在劇中修成正果。
另外陳敏之和唐文龍在劇中也會演一對，他們又會不會重演《溏心風暴3》的激情場面呢？
台慶劇《解決師》看點：#3 小鮮肉球隊飽眼福
▲劇中Vincent有一班型仔學生
王浩信在劇中是欖球隊教練，他的球隊也甚有「睇」頭，個個都是無綫旗下的爆肌型男＋小鮮肉藝人。
其中戲份最多的莫過於是末代香港先生丁子朗。22歲卜卜脆，不定期在IG分享肌肉照派福利，儲落一班姐姐粉絲。
睇一線「前輩級」演員睇到審美疲勞的朋友可以好好關注下呢班小鮮肉了。
▲Vincent 與劇中學生打成一片
▲啦啦隊美女也是不容錯過的。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
