一直在社交平台積極發聲撐反修例示威者的徐天佑,早前擬似被禁聲,很多言論過激的post都在短時間內被神秘刪除,而除近日回歸的post外,之前所有敢言post都已經消失,對上一個post已經是7月19日的。不過自早兩日開始,他就已經回歸再出post:「我唔知點解釋亦不便解釋,但係應該已回來,可能之後斷斷續續,不過唔理咁多,我嘅目的係要俾正能量大家,總之大家要有正能量呀。」
而最新他就上載一張和僧人合照的相,是早排去不丹旅行拍攝的,他留言:「早排去咗不丹旅行休息打坐靜修,唔係啲咩離地嘅嘢,俾我遇上呀Sonam大師,佢苦行左六個月再打坐三年(依家仲做緊),我問咗佢好多問題,最後嘅結論係『You just let it go』,之後我諗咗好耐,Let it go都唔係辦法,可能我未去到佢嗰個層次,然後我自己得出一個結論,『Be water my friend』。」
再之前一張相更是他滿身肌肉的半裸照:「真肌肉,戒食,狂操,真係用咗好多時間!嗰啲唔開名打針嘅打多兩針…….Bye bye。#但係呢排見到Kenny關智斌個body係好堅嘅 #因為我識佢同過佢滑水 #2018照片 #應承大家我聽日開始操返」