陳庭欣(Toby)為彩豐行老闆男友Benny大肆宣揚各分店有口罩賣,引來大批市民排隊,但貨量極少惹來群眾和網友鼓躁,Toby當晚在《東張西望》公開致歉。昨晚有網友在討論區揭發,原來Benny私下留大量口罩俾KOL朋友,而該名KOL更有綑綁式銷售之嫌。
正所謂「唔怕神一樣的對手 最怕豬一樣的隊友」,這位被指是BB界KOL的Kammy,雖然IG followers只有5000多人,但她開媽媽group搞團購賣各類產品吸引不少媽媽幫襯。Kammy在IG story上載一張有3大箱口罩的相片,寫道:「Benny彩豐行留俾我嘅口罩」,背景和陳庭欣之前分享的分店背景一致。
相片一出引來網友炮轟,網友在討論區指責彩豐行「你地天寒地凍由8點等到開門一個都無,好慘呀?你係 ocean three老闆娘咪唔洗排囉?彩豐行又收你貴一倍,佢D FRIEND又有得威,WIN WIN雙贏。冇口罩嘅全部上佢FACEBOOK 問佢拎!!」有網友表示:「其實有貨唔賣賣比自己人唔係問題,但公開宣傳完又後門曬啲貨有乜為?」
Kammy之後在IG story澄清自己是幫80幾位媽媽朋友購買,「除返開每人都係得1.5盒口罩。」有網友指這位Kammy是連鎖食材店老闆娘,自己開媽媽group經常搞團購賣各類產品,但今次是要先買一set防菌噴霧才可以加購口罩,有綑綁式銷售之嫌。亦有網民指她專呃人錢:「本身已經冇喺AIA做,做緊嘅時候又唔跟單,只係識叫人去買日本樓,轉(專)呃人錢!依家仲要發口罩財,食人血饅頭啊!推爆佢啦,唔好俾佢再喺媽媽界到害人害物!」
🌸🌸🌸恭喜發財🌸🌸🌸新春大吉🌸🌸🌸萬事如意🌸🌸🌸 喜兒今日造型係格格👧🏻
A post shared by Kammmmmm (@kammmmmm) on Jan 25, 2020 at 6:42am PST
A post shared by Kammmmmm (@kammmmmm) on Jan 21, 2020 at 12:46am PST
A post shared by Kammmmmm (@kammmmmm) on Jan 12, 2020 at 10:51pm PST