藝人薛家燕為林盛斌和張秀文主持的無綫節目《你估我唔到》錄影，任最後一集嘉賓，期間於玩夾公仔環節時，家燕表現興奮，事後笑指年輕時拍拖不會大灑金錢夾公仔，相反只是行公園，夏天頂多買多條雪條。
前港姐張秀文亞軍對於今屆港姐停辦一年大感可惜：「好似少咗啲嘢咁，本身都期待嘅，仲以為因為疫情會押後，但冇法啦！希望下年會有更高質素嘅女仔嚟參選。」在旁的家燕即搞笑說：「我諗住今年參加㗎！依家冇咗機會，我呢啲年紀，又係天然美女。（等多年囉！）今年啱啱過70，出年就倒數69，可能拎個特別獎囉！」
至於林盛斌透露三個女兒停學，於家中打麻雀打發時間，他說：「之前朋友上嚟打麻雀，佢哋見到想學，嗰日用籌碼嚟玩，100蚊一鋪，有鋪二家姐贏咗，大家姐唔係幾想畀個籌碼佢，玩得好認真。」
東網網站 : https://on.cc/
東網Facebook專頁 : https://www.facebook.com/onccnews/
