一向為拍戲去到盡的張建聲（Justin），估唔到在《作家的謊言：筆忠誘罪》都要撞崩牙。
一向為拍戲去到盡的張建聲（Justin），估唔到在《作家的謊言：筆忠誘罪》都要犧牲。Justin飾演一名有錢作家，同老婆Jeana及囝囝一 家三口生活富泰安穩，但因為偷食樓上租客松岡而飛來橫禍。片中有幕戲講述他和松岡在泳池相遇，但在試位期間不慎撞埋池邊，當場撞爆半隻牙，Justin忍住痛仲以崩牙上陣拍攝，他說：「當時撞到牙梗係痛，但橫掂都係，我直情將撞崩牙放埋落段戲入面，因為場戲係話我掛住影相唔小心跌落水，所以成場戲係好真實，嗰日拍完之後就即刻搵牙醫補番。」
除此之外，基於作家的角色性格，加上之前Justin已增肥拍《真‧三國無雙》，故他索性保留「張飛」的肥底身形拍《作家》，極具增肥經驗的Justin更肥到186磅，比其正常磅數肥25磅，搞到臉又圓又肚腩凸凸；至於飾演師奶的何珮瑜 ( Jeana )在Justin鞭策下日食夜食，亦谷肥了15磅，由往時臉尖尖變 pizza 臉，兩人一齊變成圓潤夫妻。
如今 Justin 體重已減 10 磅，「呢排要 keep 住做 gym 做運動，想操番大隻啲，體重減番啲，仲未達標呀，因為早排去旅行又肥番，要勤力番啲再操吓。」至於Jeana就因為骨架細，加上女仔又貪靚，特別有意志，電影煞科後兩個禮拜已火速減肥成功，回復昔日纖瘦體形。
Text：機