由影后惠英紅和袁偉豪等主演的無綫劇集《鐵探》收視成績斐然，除結局錄得33點外，更暫時榮登年度劇集收視之冠！台前幕後晚上現身電視城，筵開12席慶功，高層杜之克台上感謝團隊及觀眾支持外，更表示：「食埋呢餐，大家要返去研究，睇吓嚟緊有乜可能性！」暗示有開續集的可能。
繼惠英紅、姜皓文及袁偉豪等絲襪笠頭「找數」後，慶功宴上楊明被「點名」，他隨即用桃紅絲襪笠頭，再tag「阿嫂」張寶兒和鄧佩儀，難得兩女表現大方，更變身「孖寶」，用同一襪齊齊笠頭，寶兒男友袁偉豪即搞笑扮呷醋：「你今晚唔好返嚟喇，去鄧佩儀嗰度啦！」
《鐵》劇監製蘇萬聰談續集開拍即笑謂：「要睇杜生（杜之克）。其實《鐵》劇完咗後大家都有其他工作，嚟緊我又會開《使徒行者3》，所以最快都要明年嘅事。」不過他承認《鐵》劇結尾留有伏線，角色亦豐富鮮明，即使再伸延落去，都有創作空間。
東網網站 : https://on.cc/
東網Facebook專頁 : https://www.facebook.com/onccnews/
