上年成功脫離「黃金盛女」行列嘅台灣藝人陳喬恩,雖然外界一直唔睇好同細佢9歲馬來西亞富二代曾偉昌(Alan)嘅戀情,佢哋懶理閒言經常喺社交網放閃。趁住農曆新年,Alan着住紅色唐裝衫返工,諗住增添喜興氣氛,點知陳喬恩唔多Buy,仲cap同男友視像嘅畫,將男友造型放上社交網公諸於世,留言:「這位先生今天穿這樣上班,好幽默,曾師傅過年看風水嗎?」擺明寸男友一身裝束似風水佬,雖然陳喬恩把口唔留情,不過睇男友嘅表情嘴角微翹冧冧笑,就知佢哋喺度耍緊花槍!
東網網站 : https://on.cc/
東網Facebook專頁 : https://www.facebook.com/onccnews/