唔少甜品控對芝士蛋糕都難以抗拒，加上係哈日族嘅話，應該唔會錯過以下介紹、每日限量推出嘅芝士蛋糕。
由日本富山縣黑部市嘅芝士蛋糕專門店「アルペンチーズケーキ」推出嘅招牌「幻のアルペンチーズケーキ」芝士蛋糕（每件660日圓、約HK$47.6；加杯茶嘅套餐則盛惠860日圓），每日推出幾多都早早售罄，點解咁受歡迎？係因為以高山為造型嘅蛋糕質感輕盈，入口即化猶如雪般融化，餐廳建議一係唔食住，一食就要10分鐘內食完，故有10分鐘「賞味期限」貼士。
芝士蛋糕以當地食材製作，自製以在地產優質牛奶製成芝士後再炮製成蛋糕，蛋糕質感猶如雪，接觸人正常體溫便會融化，故一放入口即化開，故有「幻想芝士蛋糕」之名，加上蛋糕全人手製作，成為當地人氣名物。
東網網站 : https://on.cc/
東網Facebook專頁 : https://www.facebook.com/onccnews/
