今日大年初一個個忙於戴罩避炎，不過新正頭新開始同親人相聚更緊要！就好似電視劇《愛．回家之開心速遞》「一家人」林淑敏、許家傑、李偉健、陳偉琪、鄭世豪、歐瑞偉、何啟南、岑杏賢等，齊晒人圍埋一齊慶團年，同事Friend過打Band真係似足真正家人一樣，溫暖窩心仲要夠熱鬧！「送水輝」許家傑亦好識做，即刻留言嗌大家要身體健康：「年初一的嘉年華取消了，本來想同大家一起過年一起開心，但現在最重要的是新的一年大家身體健康🥳」
而真真正正一家四口嘅台灣天王周杰倫（周董）同太太昆凌就繼續喺澳洲「避年」，一人攬住一個開心喺迴旋木馬前幸福合照，又個個都戴住太陽眼鏡，新年一樣要又潮又Sweet：「祝大家新年快樂 平安健康 2020幫助需要幫助的朋友 讓這個世界充滿正能量 💪🏼💪🏼」
至於楊洛婷就同老公Tim@Dear Jane同阿女飛外地過新年，最重要係一家大細都好聽話戴晒罩，咁就可以過一個身體健康又平安嘅鼠年喇～
東網網站 : https://on.cc/
東網Facebook專頁 : https://www.facebook.com/onccnews/
