台灣女星許瑋甯2017年認戀星二代男模、攝影師劉又年，2018年又傳出秘嫁男友，更被直擊無名指帶有「婚戒」，雖然許瑋甯當時否認，不過一提起男友，佢又開籠雀咁講唔停，有咩戀愛甜蜜史都爆晒出嚟，粉紅泡泡唧滿成個Mon～
好似近日許瑋甯就自爆某日發現屋企啲枱角全部被劉又年黐起晒，問男友先知道佢發現自己常常撞到枱角而受傷，所以先咁做，冧到許瑋甯忍唔住晒命：「包起桌角反倒像是保護嬰兒，他說平常他在的話可以幫忙處理傷口，但要是有一天他外出工作，我要是傷得很嚴重，他會很擔心。」
談到現實中對婚姻的看法？許瑋甯又話從小由外公外婆湊大，兒時因調皮被外婆罰跪，外公都會要佢即刻起身，擔心佢跪瘀對腳，而劉又年嘅貼心舉動就被許瑋甯稱讚似足當年外公嘅貼心：「這樣說好像有點戀父情結！」嗱，你自己講咋！
東網網站 : https://on.cc/
東網Facebook專頁 : https://www.facebook.com/onccnews/
