今個星期日（8號）晚播出的第11集《MIRROR GO》由姜濤和邱士縉（Stanley）出任動物護理員，去海洋公園挑戰照顧小動物的任務。深受女性歡迎的姜濤，除了欠缺小朋友緣之外，想不到連水豚都愈叫愈走。初次擔任MC的姜濤十分緊張，不但口窒窒和笑料百出，更經常出現「hang機」的情況。
在主持水豚是屬於野豬或是老鼠類別的問題時，姜濤大派「貼士」：「我就覺得水豚有個豚字，咁就應該同豬有關。」陳卓賢（Ian）聽到之後，即刻表示唔信姜濤：「我本來諗著揀豬嘅……聽到姜濤咁講之後，我應該揀老鼠。」在旁一起主持的Stanley更開玩笑指根據姜濤「字典」，海豚有個豚字都應該是屬於豬的類別，一語道破姜濤「神邏輯」。
姜濤更一度只顧著看成員互爭豆袋而忘記主持，更要Stanley主動Cue「喂到你（講）喇喎」，他才恍然大悟輪到自己主持。如此新鮮的「姜濤式」主持，惹得全場大笑，姜濤馬上故作正經繼續主持。最後，挑選相反答案的Ian成功答對，更大叫「多謝姜濤」。
當被問到片中給海豚的玩具到底是用來訓練腦袋還是團隊合作時，成員更一齊開姜濤玩笑。一直想做好主持工作的姜濤想繼續照稿讀，但就被Stanley打斷，搞到他哭求Stanley「畀我講埋先啦」。Stanley大爆製作玩具期間十分手忙腳亂，又要照顧小動物，同時又要驚姜濤整到滿枱都是冰。這時忠於MC工作的姜濤就開始機械式「照稿讀」為自己辯護：「咩喎，我嗰日都唔知幾幫得手呀！」。其他成員隨即附和讚姜濤叻仔，楊樂文（Lokman）更俾叻叻大讚：「你依家仲幫得手呀！」Stanley更大派貼士，指該件玩具十分適合姜濤：「所以姜濤無咩野呢﹖自己諗下喇。」
撰文：機
