姚子羚自去年三月與坐擁逾億身家的鄭子邦（的士邦）分手後，一直都甚少緋聞，可是在今天（19日）卻被媒體爆料指，與夜店Dragon-i董事之一、好姊妹Sarika老公Raymond Young秘戀8個月，去年十月更同遊泰國，消息指兩人已秘密拍拖一段時間，當中更疑涉及四角關係。不過姚子羚今晚現身否認做小三搶好姊妹老公，更表示驚訝被影床照！
撰文：東方新地、新假期｜圖片來源：新傳媒圖片、姚子羚ig、Sarika ig
姚子羚戀上好姐妹Sarika老公甘做小三?
繼「安心偷食」事件後，大台又有姐仔出事！今日有報道指姚子羚疑戀上朋友嘅老公Raymond Young，二人秘撻8個月，並甘願做其小三，當中更可能涉及四角關係！
A post shared by 姚子羚 Elaine (@elaine_yiu) on Apr 23, 2019 at 10:06pm PDT
A post shared by 姚子羚 Elaine (@elaine_yiu) on Dec 17, 2018 at 2:21am PST
據悉Raymond Young 太太是中印混血模特兒索模蔡宛珊（Sarika），但同時Raymond被指有一名二奶，姚子羚疑是第四者！
姚子羚否認做小三
姚子羚今晚返將軍澳TVB電視城拍攝劇集《唐人街》，期間接受傳媒訪問及回應疑搶人夫一事，她說：「我想講，我同Raymond一齊時，佢同Sarika（蔡宛珊）已經分開咗。現時為止分開兩年，我同Sarika都認識，Sarika都知我哋拍拖。(記：有冇介入別人婚姻?)我同佢相識時，佢哋已經分開。」佢指依家同Raymond分咗手變朋友關係，但就冇透露拍咗幾耐拖，同埋幾時分開，而她不評論是否遇人不熟。
唔知被影床照
問到點解會有床照相片流出，有冇懷疑任何人？姚子羚表示:「有，但唔想深究，好驚訝兩個人照片外間流出，好驚訝一件事，但冇去諗點解。」問到相片幾多人擁有？她說：「唔應該問我，合照我有，床照係我唔知，好過份行為，我會同公司商量點處理。」問到擔唔擔心有更激嘅相或短片流出？她說：「呢個我唔知，最緊要想澄清番，我同佢相識時，佢同Sarika已分開。(工作有冇受到影響？)冇收到任何通知，目前一刻專心工作，其他嘢唔重要，一切放底，我對感情好認真女仔。」有否跟Raymond聯絡？她坦言：「就呢件事有。(對方有冇同你道歉？)你要問番當事人。」記者問到公司有冇搵佢照肺？子羚說：「要回應已經回應晒。」之後急急離開入廠拍劇。
Sarika視姚子羚為普通朋友
Raymond的正印太太蔡宛珊(Sarika)傳媒訪問，透露與前夫Raymond拍拖4年，結婚至分居6年，一齊都10年，但由於二人價值觀唔同所以選擇離婚，二人於2017年1月開始分居，今年1月正式離婚，Sarika表示認識姚子羚但二人不是深交。雖然兩人已離婚，但由於有一層樓及有養貓，唔係話分就分，期間一直有聯絡，有指Raymond於分居期間一直想復合，令子羚一度感不快，一度說：「唔簽字不如同番你老婆一齊！」
A post shared by Sarika Choy 蔡宛珊 Miss S 🤓 (@sarikachoy) on May 13, 2019 at 6:40am PDT
A post shared by Sarika Choy 蔡宛珊 Miss S 🤓 (@sarikachoy) on May 12, 2019 at 4:56am PDT
Sarika入行18年曾為黎明伴舞
現年34歲的Sarika是中印混血兒，貌似周杰倫太太昆凌，原來她已入行18年，由2001年開始做兼職模特兒，曾跟周星馳拍啤酒廣告，亦曾扮兔女郎為黎明伴舞，和在許志安MV演出，Sarika又主持Now TV《電視節目有好多種》、BBC World《The Real Hong Kong》等節目。Sarika一直有進修，曾報讀公開大學語言研究學士（英文）、學位教師文憑（小學）及菲臘牙科醫院手術助理。
A post shared by Sarika Choy 蔡宛珊 Miss S 🤓 (@sarikachoy) on Feb 19, 2019 at 2:59am PST
Be obsessed with improvement. Upgraded yourself, your mind and your soul…❣️
A post shared by Sarika Choy 蔡宛珊 Miss S 🤓 (@sarikachoy) on Dec 6, 2018 at 4:20am PST
現為林盛斌旗下藝人
Sarika現在是林盛斌（Bob）旗下藝人。對於Sarika前夫同姚子羚流出床照及發生四角戀關係，老闆Bob就表示2015年簽約Sarika後，她的工作表現認真，最近亦有做ViuTV主持，佢又話成件事Sarika同佢都唔知發生咩事，望大家手下留情！
網友鬧爆姚子羚係「黃心穎 2.0」
大台藝人黃心穎被爆偷食人夫許志安後，全城插爆，今日同是大台藝人的姚子羚又爆出疑偷食人夫捲入四角戀，更指佢係「三奶」！大批網民湧入姚子羚社交網留言鬧佢係「黃心穎 2.0」、「三奶」等，令姚子羚關閉留言功能避火頭！
