型佬碧咸(David Beckham)同佢一家人向來都sweet到漏,不時都會大晒家庭聚會相晒下溫馨咁。日前是父親節,佢地一家再次舉家去到西班牙塞維利亞度假度祝,碧咸同老婆Victoria都有在IG公開仔仔女女攬坐爸爸的甜蜜相,碧咸仲炫耀兩個仔仔Cruz同Romeo,仲有愛女Harper Seven送給他的父親節卡添!而Victoria亦留言形容老公為「最好的爸爸」!不過搵來搵去,幾張相都未見大仔Brooklyn的蹤影!
原來Brooklyn個日再次戀愛大過天,揀了同模特兒女友Hana Cross去玩而冇同爸爸過父親節,仲在IG Story公開同女友玩水的相片,似乎女友地位仲重要過爸爸,好在當日Brooklyn都有上載同爸爸的舊照補數!其實日前,已經有消息指Brooklyn淨係掛住拍拖而影響學業,搞到碧咸落命令要他跟Hana保持距離,不過Brooklyn似乎未有理會,未知Hana在碧咸家的印象會唔會再次受到影響呢?