內地著名導演張藝謀嘅大仔張壹男,日前度過18歲生日,今日佢戴上四方帽中學畢業,全家出動去觀禮。張藝謀太太陳婷喺社交網上載畢業禮上一家合照,跟網民分享喜悅,相中見到張藝謀搭住阿仔膊頭,笑到見牙唔見眼!佢更拎住手機為坐喺台上嘅囝囝影相,相信作為爸爸嘅佢,好想影低咁有意義嘅一刻留念。陳婷留言祝福阿仔:「畢業啦!願你肩負起更多的夢想與責任,堅強、努力、感恩,在人生的道路上繼續成長,自由翱翔!願你的旅程更加精彩,加油!」
東網網站 : https://on.cc/
東網Facebook專頁 : https://www.facebook.com/onccnews/