飲管清潔不淨會孳生大量細菌。近日就有外傭疑沒有將水樽飲管徹底清洗，僱主檢查時驚見飲管發霉，怒斥︰「做咗7個月已經掉咗3個水樽」。
有僱主周一（16日）在Facebook群組「外傭僱主必看新聞訊息」分享事件，指她在檢查小朋友的水樽時，發現表面清洗得頗為乾淨，惟她將樽蓋拆出後，驚見膠飲管暗藏啡中帶黑的霉菌︰「心痛死我，因為小朋友日日都飲緊」。
她指已要求外傭使用清潔液清洗，家中亦備有奶樽刷及飲管刷，但外傭入職7個月以來，從未見其使用過。她質疑外傭每次只清潔表面地方，以致因類似情況已棄置了3個水樽，「無論水壺、飲管、杯都有漬」。
網民紛紛直言「好污糟」︰「叫佢用個水壺飲水，睇到都嬲」、「個飲管好恐怖喎，有冇教過佢點洗㗎？日日睇住佢洗」、「真係唔可以完全倚賴姐姐做清潔，自己都要把關，間中檢查一吓」。
---------------
《港呢啲》：大事小事騎呢事，東網嚴謹選題，輕鬆製作！
東網網站 : https://on.cc/
東網Facebook專頁 : https://www.facebook.com/onccnews/
