理工大學圍困第五日，在校園一角，有一對如膠似漆的情侶，周邊留守者都向記者投訴，「佢哋日日都放閃，真係頂唔順。」追問之下，原，原來這對小情侶星期日才認識，至今相識不足一星期。
15歲的阿詩（化名）和17歲的軒仔（化名）相識在急救站，當時二人均是傷痕累累。「我個陣一次過中左3粒催淚彈」，軒仔指著自己的小腿、腹部及額頭，被送到急救站時遇上阿詩。「佢個陣未好就想出去，我唔俾佢走，之後就留係度陪佢傾計」，二人相談甚歡，但始終心存戒備，未有留下聯絡方法。
翌日，二人在前線投擲汽油彈時再次相遇，還未來得及驚訝，軒仔又再中胡椒彈受傷。軒仔一方面希望認識這個倔強的「前線絲」，另一方面希望帶傷上陣的二人能在前線有個照應，最後成功與阿詩交換電話號碼。交談間，阿詩重新認識對方，亦發現對方十分照顧他，「佢好好，係佢身邊好有安全感」，二人最終成為男女朋友。
縱然二人身處險境，但在對方相伴下，時間未如想像中難挨。軒仔搭著阿詩膊頭，看著她笑說：「好彩呢段時間有阿B！」隨即又親上她的臉頰，阿詩笑逐顏開。旁邊坐著的男生們抵受不住二人的肉麻，不禁撫額、反白眼。
回歸現實，二人深知大家都有可能被捕，甚至會被控以暴動罪，最高可判處監禁10年。阿詩明言，「好難講可以一齊幾耐，因為唔知幾時會俾人搭走」。
如若對方被捕，他們會如何應對？
阿詩說：「我會等佢出黎。」
軒仔說：「呢個問題，我唔會俾佢發生。」
他又看著阿詩補充說：「如果我俾人拉，你記得走先。」
坐左旁邊的阿駿（化名）語帶欣羨：「勇武真係需要女朋友、男朋友，要心靈支持。點解我未有嘅？」
房間內的留守者隨即哄堂大笑。
守護言論與新聞自由。立場新聞，寸步不退。
每月贊助支持立場新聞
