藝人袁文傑尋日51歲生日，正日固然係同女友張潔蓮（Jackeline）撐枱腳慶祝。雖然今年嘅生日愛貓囝仔已經唔喺身邊，不過佢哋專誠訂製離世愛貓嘅公仔，「一家三口」齊齊整整食飯。其後壽星仔喺社交網留言表示生日願望係身體健康：「好多人問我生日有乜嘢願望？其實冇嘢比身體健康更重要，今年生日感受更大！珍惜身邊愛你嘅人，好好照顧自己身體，就係對愛你嘅人最好嘅回報！感激J一直陪伴，囝仔雖然離開了，但佢嘅精神仍然存在…」好多網民都話隻公仔神似囝仔，第一眼仲以為係真貓！
東網網站 : https://on.cc/
東網Facebook專頁 : https://www.facebook.com/onccnews/
