台灣名模隋棠先後為老公Tony誕下兩子一女,一家五口幸福到爆,不過尋日隋棠就大爆1歲多細仔Olie發生家居意外,由1米3嘅床上摔下,隋棠更形容Olie當時迫降在房間地板,頭肩着地鎖骨斷兩截骨折,笑言似足剛剛大結局嘅熱爆韓劇《愛的迫降》:「最後帶着當場斷成兩截的鎖骨、痛哭流涕的將布偶緊緊擁入懷。」真係嚇死人!
隋棠續表示醫生檢查後後幸好唔使動手術,不過睇相就見到Olie紮上繃帶,不過手上依然拎住玩具行嚟行去,一班網友當然被回應隋棠嘅Post嚇親,唔少人留言關心及送上祝福:「媽媽內心其實超心疼的吧!祝福早日康復」、「祝男主角早日康復」同時亦有網友建議隋棠喺小朋友瞓覺附近嘅地板鋪上軟墊會比較安全。
隋棠於2018年年底迎來第三胎Olie,佢當時透露痛足16小時,最後因自己骨盆太窄,導致Olie一出生就帶住骨折嘅鎖骨出世。
東網網站 : https://on.cc/
東網Facebook專頁 : https://www.facebook.com/onccnews/