港姐鄧卓殷近日被爆撻着大隻仔郭子豪，捲入小三風波！但佢否認呢件事，話只係帶郭子豪返教會！
鄧卓殷成為新聞人物，是非就愈爆愈多！鄧卓殷日前出席公開活動，講到佢舊照被翻炒，個樣唔同晒，當時佢回應：「睇番舊相好驚訝，但我只箍過牙，相中我冇修眉冇化妝。」有讀者唔知係咪睇到呢篇報道啦，佢即時提供多張鄧卓殷讀書時嘅相，見佢嗰時單眼皮，依家就變雙眼皮，質疑佢整容咁話！
另外，讀者話鄧卓殷讀女校協恩中學時，同讀拔萃男書院嘅前男友喺教會認識，依家又帶郭子豪返教會，話佢有舖癮鍾意帶男仔返教會。
東網網站 : https://on.cc/
東網Facebook專頁 : https://www.facebook.com/onccnews/
