藝人沈殷怡（Shirley）自從以比堅尼行山後，知名度急升，工作可謂浪接浪，她出席ViuTv活動記者會，透露將主持全新節目《Chill Club推介》外，同時亦會染指另一飲食節目，可謂瓣數多多。
談到成「人氣女星」不時被起底，就連爸爸任職律師亦成為網民話題，她說：「爸爸都唔介意，佢應該有心理準備嘞。（仲有冇咩黑材料擔心被揭？）應該冇，之前開Live都講晒。（驚唔驚啲舊愛全部現身？）佢哋係圈外人，應該想低調嘅。」
提到會於飲食節目中晒廚藝，她說：「其實我最叻係整意粉同西餐，節目內會同大家分享吓，仲會經營餐廳添。（咁主持音樂節目，你都鍾意唱歌？ ）係呀，以前都參加過歌唱比賽。」至於夏日到來，會否介意以泳裝行騷，她說：「未有人搵喎，不過健康性感，梗係唔介意啦。」
東網網站 : https://on.cc/
東網Facebook專頁 : https://www.facebook.com/onccnews/
