請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

唐詩詠做大妗姐 C君蒙眼被玩抱得美人歸

on.cc 東網

更新於 2019年12月13日08:08 • 發布於 2019年12月13日06:40 • on.cc 東網
恭喜晒~~
恭喜晒~~
點估到唐詩詠(右)以一身紅噹噹look做大妗姐。
點估到唐詩詠(右)以一身紅噹噹look做大妗姐。
今日係C君大婚之喜。
今日係C君大婚之喜。
C君戴上眼罩、口含唇膏為洪永城扮靚。
C君戴上眼罩、口含唇膏為洪永城扮靚。
蕭正楠(左二)咀洪永城(中),好在中間隔住膠片。
蕭正楠(左二)咀洪永城(中),好在中間隔住膠片。
玩掌上壓時C君瞓晒地。
玩掌上壓時C君瞓晒地。
Yeah!接到新娘喇!
Yeah!接到新娘喇!
呢位大妗姐夠晒專業。
呢位大妗姐夠晒專業。
一對新人仲玩Selfie添。
一對新人仲玩Selfie添。
相信姊妹團一定收到大利是!
相信姊妹團一定收到大利是!
黃翠如亦有甫新郎哥。
黃翠如亦有甫新郎哥。
一班兄弟團加大妗姐齊齊幫手接新娘!
一班兄弟團加大妗姐齊齊幫手接新娘!
睇張相就知佢哋開心~
睇張相就知佢哋開心~

組合農夫成員C君今日迎娶拍拖五年女友、電台DJ黃天頤,今晚假中環四季酒店擺喜酒。今日中午穿上傳統馬褂的C君,與一眾星級兄弟團到酒店接新娘,兄弟團陣容鼎盛,包括陸永、蕭正楠、黃翠如、洪永城等,而唐詩詠則擔任大妗姐一角。兄弟團到達新娘房時第一時間付上開門利是,一眾姊妹不斷叫價,一度提出九千九百九十萬的銀碼,蕭正楠立刻向各兄弟籌利是錢,陸永更高:「嘩,真係厚到利是封都擺唔落呀!」原來眾人用銀紙包紙巾「裝假狗」,怎料被姊妹們發現起哄,經過一輪議價後,C君以一封「開心大利是」順利過關。

之後C君與兄弟團要接受遊戲考驗,先要穿上美少女戰士服飾扮變身,之後C君又要戴上眼罩口含唇膏為兄弟扮靚,兄弟們再嘴貼嘴傳心心膠片。最後一個遊戲就考驗兄弟們體力,邊口含威化餅邊做掌上壓,C君玩到瞓晒地,新郎哥最終被噴到成頭餅碎。到愛的宣言環節,C君表示:「天頤婚前一直都唔畀我叫老婆、太太,就算有人叫佢做C君老婆,佢都第一時間否認,強調只係我女朋友,不過過咗今日可以每日叫你老婆啦!一直以嚟好多新人都係讀愛的宣言,但係宣言係可以改或者唔算數,我自己度咗一段愛的誓言,如果做唔到就天打雷劈。」天頤在房內聽到老公夾雜文言文的誓言既感動又開心,不過一對新人表現極含蓄,C君只輕錫老婆面頰一下。此外擔任大妗姐的唐詩詠可能未背熟台詞,出現食螺絲的情況,場面十分搞笑。

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0