在無綫台慶頒獎禮奪得「最佳男配角」獎項的周嘉洛今年首年派利是,他為處境劇《愛.回家之開心速遞》開工前先手寫個「掂」字贈興,十分醒目,他笑說:「自己唔知應唔應該派利是,多得丹爺(劉丹)提醒我,佢話攞咗獎冇理由唔派利是,自己第一年派利是,都係心意。」劉丹又對蘇韻姿說:「下年到你派利是喇。」寓意她出年攞獎,蘇韻姿說:「承你貴言。」
至於同劇的呂慧儀被問到錄影廠內可有加強消毒措施?她說:「每個人都戴住口罩,直到埋位先除,我亦帶咗啲消毒用品,工作人員亦都有戴口罩,大家衛生意識提高晒。」
東網網站 : https://on.cc/
東網Facebook專頁 : https://www.facebook.com/onccnews/