昨日（24日）是伍詠薇（伍姑娘）的51歲生日，雖然本港新冠肺炎（前名武漢肺炎）疫情漸趨嚴重，但伍姑娘一於少理，照舊約Friend食生日飯，繼日前冒住「霧化傳染」危機，唔怕變「邊爐家族2.0」同朋友食火鍋後，她再跟契妹陳敏之和契細佬陳山聰一齊飲Sake短聚，同場仲有老公練海棠、山聰大肚妻Apple等。今日敏之則於社交網上載合照及短片，與網友分享當日的開心Moment，片中，眾人向壽星女驚喜送上「大口仔蛋糕」，令伍姑娘開心到唱歌，仲即刻錫咗敏之、山聰和Apple面珠兩啖；幾杯落肚後，飲到面紅紅的伍姑娘再High爆跟敏之、山聰「無限kissy kissy kissy kissy，再來兩輪kiss」，相信大家都好盡興吓！不過𠵱家非常時期，見到佢哋咁親密「咀嘴」都咪話唔驚，奉勸各位都係小心啲好！