台灣咁多特色cafe，唔係到咗特別季節要買限定版水杯，好多旅客都唔會特別去星巴克，不過今年短短幾個月，台灣分別有兩間特色星巴克分店落成，台灣人都蜂擁去打卡，全因佢哋嘅外型夠特別！
第一間係位於新竹嘅新豐門市，佢係全台第一間改建火車站而成嘅分店，呢個火車站已經有百年歷史，懷舊氣色特別濃厚，坐喺cafe內，大家仲可以睇到窗外火車經過，呢種體驗係新豐門市先有！
出面係火車站，裡面亦都參照火車站特色而改建，例如櫃台天花板設計到好似火車軌咁，而牆壁上嘅圖騰呈現車輪模樣，連窗都參照返火車車窗，以弧形收邊，真係好似坐喺火車度呀。
新竹新豐門市
地址：新竹縣新豐鄉新興路202號
交通：搭復興號至新豐車站，出站後向右行大約一分鐘
A post shared by Thomas Hung (@puma0604) on Jan 28, 2019 at 5:58am PST
第二間係位於台南嘅小北門市，2月頭先開幕，同新豐門市唔同，佢係走歐洲時尚風格，最大特色就係斜三角形嘅外觀，加埋超大片玻璃窗外牆，有啲似教堂風格，同時又散發強烈冷酷感覺，唔少年輕人都趕過嚟喺門口打卡！
A post shared by 🐰家培 🐩 (@pei19980306) on Feb 2, 2019 at 10:58pm PST
呢間Cafe另一個賣點就係有賣氮氣咖啡系列，同香港一樣，氮氣咖啡唔係間間分店都有得賣，咖啡選擇方面小北門市就相對多喇。
A post shared by 🌸 👼 🍸 ☕️ 🍷 🍍🍎 🍫 👼 🌸🍹🍭🍬🍦🍮🍸🍳🍝🍛 (@wsf0918) on Feb 28, 2019 at 2:28am PST
台南小北門市
地址：台南市北區西門路四段307號
交通：乘搭7號巴士在「六甲里西」站落車，直行大約5分鐘
A post shared by 台灣星巴克 Starbucks Taiwan (@starbuckstw) on Oct 6, 2018 at 3:17am PDT
其實除咗呢兩間新分店之外，台灣仲有好多特色分店，當中一樣人氣爆燈嘅有位於花蓮嘅洄瀾門市，佢係全台，甚至全亞洲第一間貨櫃門市。全白嘅外型十足十藝術品咁，亦都係打卡熱點。
A post shared by 台灣星巴克 Starbucks Taiwan (@starbuckstw) on Sep 22, 2018 at 4:29pm PDT
不規則嘅外型係由建築大師隈研吾設計，貨櫃鏤空部份換上大型落地玻璃，陽光直射入內，好有feel㗎！
花蓮洄瀾門市
地址：花蓮縣吉安鄉南濱路一段505號
交通：花蓮火車站坐的士大約20分鐘車程
撰文：沙拉
