過咗咁多日假期，CONY都要開工搵食啦。踏入新一年，香港繼續有好多新店開幕，好似近日又有台灣人氣麵包品牌「Share le Pain」到港。聽到呢個名或許大家不太熟悉，但講到「髒髒包」，你就一定聽過，甫推出就日售千個，到現時每逢出爐時段都依然大排長龍。縱然悄悄抵港，但將會連續在銅鑼灣、元朗和旺角開設三間分店，相當有野心！
其實呢個品牌係由台飲店Sharetea歇腳亭於2016年創立，主打軟熟的歐式麵包，會根據各種麵包的風味屬性，以不同自家培植的酵母製作。當中又以貴腐酵母最為特別，取名自產量少而珍貴的「貴腐酒」，精選高甜度日曬有機白葡萄乾為原材料，一般需要七天培養，第九日才可以製作麵糰，做出的麵包先會帶自然的清新香甜。
招牌髒髒包
必食推介當然係有唔少明星名人都愛吃的「髒髒包」。包如其名，因為佢面層灑上大量朱古力粉，食嘅時候個嘴同手都好容易黑晒，好似好污糟咁，不過反而吸引因為食相搞笑而引起打卡熱潮。除有松露朱古力和忌廉芝士夾心的「髒髒の胖」，品牌更推出抹茶口味「囧囧の胖」和士多啤梨「羞羞の胖」，餡料分別係紅豆吉士和士多啤梨果乾配忌廉芝士。每款髒髒包更有一層朱古力脆皮，而麵包極之鬆軟，食起來充滿層次，相當有驚喜。
「爆漿珍奶軟歐」日限200個
來自台灣的品牌，創作的麵包當然要體現到當地特色，以珍珠奶茶為靈感的「爆漿珍奶軟歐」，由於製作程序繁複，每日只限於中午12時出爐，限量200個，每人限購4個。將頂級紅玉茶粉製作麵糰，再加入白玉珍珠，最後唧入紅茶吉士餡，味道和口感都好有層次，仲有爆漿效果！
同場加映：茶飲系列
雖然品牌係主打麵包，不過既然有個台飲店媽媽，當然亦唔少得各款精緻茶飲。選用來自台灣各縣和世界各地的上等茶葉，當中「台茶18號紅玉」以萃茶機逐杯沖製，可以更精確地呈現每款茶品的最佳狀態，唔會好似坊間用保溫桶咁令茶葉過份萃取。至於近年hit爆的芝士奶蓋系列亦可以喺度搵到，當中更有香港限定的「藍芝士奶蓋」，別具鹹香。喜歡清新一點的朋友仲可以試下「爆爆水果茶」及「無酒精Mojito系列」，均加入不同水果調製。當然唔少得台灣名物「珍珠鮮奶茶」和「鮮醇芋頭奶」。
Share le Pain
銅鑼灣店（試業中）
地址：銅鑼灣告士打道280號世貿中心2樓207-208舖
元朗店（試業中）
地址：元朗青山公路元朗段249-251號元朗廣場2樓235-236舖
旺角店（快將開業）
地址：旺角太子道西193號新世紀廣場MTR層M47及M48號舖
