最近Meko再次邀請何超蓮拍攝廣告，今次更去到泰國考艾嘅DNA渡假村取景。其實泰國除咗去曼谷、芭堤雅、華欣，不妨走出Comfort Zone去下充滿歐洲氣息嘅考艾！考艾距離曼谷只係3個鐘車程。以下介紹幾個考艾必到景點，下次plan泰國行程時可以參考下，無論你係文青定女神，可愛風定搞笑風都實有個啱你！
文青風打卡點：The Mew - KhaoYai
若果想親親大自然，又想影啲又靚又Chill嘅打卡相，The Mew - KhaoYai 就係你去考艾嘅必到景點啦！餐廳外形係木屋，以灰色為主調配搭唔同木製傢私。不論係招早定夜晚嚟到，都十分之啱呃Like！每逢周末仲會有市集添！
女神風打卡點：The Castle Restaurant And Tea Room
呢間餐廳座落喺酒店Thames Valley入面，以英式風格嘅設計打造出城堡造型嘅餐廳。落地玻璃嘅設計令成間餐廳充滿自然光，十分舒適。相信不論係同男朋友或者一班閨蜜嚟都會謀殺唔少菲林！
歐洲風打卡點：Palio Khao Yai Palio Khao Yai被稱為小義大利，裡面嘅建築風格充滿義式風情。雖然唔大，但裡面都應有盡有。除咗餐廳外，仲有好多特式小店賣衫同精品。想扮下去咗歐洲，相信去考艾係一個平好多嘅選擇！
趣怪風打卡點：The Chocolate Factory The Chocolate Factory就當然唔係朱古力獎門人嘅朱古力工廠啦，但呢到真係會即場整朱古力！除咗睇人整之外，如果想做朱古力獎門人，你都可以報朱古力體驗課程架！
圖片來源：何超蓮IG、The Mew - KhaoYai、The Castle Restaurant And Tea Room、Palio Khao Yai、The Chocolate Factory 延伸閱讀：旅遊竟是分手導火線？如何不破壞與男友的感情 / 蜜糖珍珠 VS 黑糖珍珠，泰國GAGA迷到網紅
