文化差異是甚麼？可能李克勤今次都深深感受到。早兩日25日，李克勤於北京舉行「2019李克勤全新國語專輯發布會」宣傳活動，可能北京歌迷有得再見李克勤太興奮，於是做足準備，為偶像送上一列花牌，不過花牌以克勤大頭相為主，旁邊再放上鮮花，令氣氛猶如紅磡大角咀，非常大吉利是。
不只是花牌夠奇妙，香港的「李克勤國際歌迷會」facebook專頁，早前亦兩次叫粉絲出席活動時穿上黑衫，這份心意真係唔係人人想收到。不過，內地粉絲可能只是走得太前，因為其實韓國歌迷影迷都好興為偶像製作花籃花牌，只係港澳等地和他們有文化差異啫。而且克勤應該都不會怪一眾粉絲，始終送錯禮人人都試過。
