老是常出現嘅黃心穎又發功啦！去年因偷食人夫導致形象插水嘅黃心穎，自從返香港後，一直都好畀心機咁喺社交網「露面」，適逢佢有份主演嘅劇集《丫鬟大聯盟》尋晚大結局，雖然劇集播映期間佢冇幫手宣傳，但劇集大結局後，今日佢上載自拍劇照，多謝番一班台前幕後工作人員，指當時拍攝時非常開心：「留下的、都是拍攝時的笑聲同歡樂。thank you team.」之後又分享一張兵仔造型嘅相，表示：「下世做男人。」唔知係咪因為之前嘅偷食風波有感而發呢？有網友話呢幾個月都播咗兩套黃心穎有份演出嘅劇集，依家暫時唔使再睇佢演出，終於可以抖吓！
東網網站 : https://on.cc/
東網Facebook專頁 : https://www.facebook.com/onccnews/
