請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

生活

元宵腦筋急轉彎 經典燈謎猜猜猜

LINE TODAY

發布於 2019年02月18日09:54 • 沙拉

啱啱過完西方情人節,唔夠一個禮拜又到咗中國情人節--元宵節喇!每年農曆正月十五就係甜甜蜜蜜團團圓圓嘅元宵,西方情人節大家都知道係點慶祝,咁元宵又會做乜呢?

原來元宵都幾多嘢要做,首先就梗係要拆利是啦!因為傳統新年利是派到十五就唔會再派,所以大部份人都會喺呢日一次過拆,不過依家呢個年代相信大家都會忍唔住提早拆嚟用。

另一個傳統依家都有傳承落嚟嘅就係賞燈會喇。呢個亦都係中國情人節嘅由來,話說古時女仔三步不出閨門,係得呢日先會「出閘」,喺賞燈會中陌生嘅男男女女會趁呢個機會認識下對方,千里姻緣從此來,感覺好似現今社會嘅聯誼活動咁㗎!

(《仙劍奇俠傳3》截圖)
(《仙劍奇俠傳3》截圖)

每年香港都會喺元宵舉辦綵燈會,到時候除咗有各式各樣嘅花燈可以欣賞,亦都會猜下燈謎,唔少人同屋企人食完飯都會嚟行下,而今年尖沙咀海旁亦有大型燈會,大家不容錯過!

文化中心綵燈會:2月18日晚上7時半至9時半,2月19日晚上7時半至10時,免費入場。
文化中心綵燈會:2月18日晚上7時半至9時半,2月19日晚上7時半至10時,免費入場。
(《女醫明妃傳》截圖)
(《女醫明妃傳》截圖)

細個嗰陣成日玩謎語,咁係咪代表猜燈謎一樣咁厲害呢?原來都唔一定,因為燈謎同普通謎語有少少唔同,多咗一份詩意,雖然依家嘅燈謎簡化咗唔少,但以前啲燈謎真係幾有內涵修養,等記者都考下你哋,睇睇你哋答啱幾多啦!(答案在文末)

傳說第一個燈謎:

頭尖身細白如銀,稱稱沒有半毫分。眼睛長到屁股上,光認衣裳不認人。 (答案:針)

熱完身,準備好正式開始!

1. 身體長、兩頭圓、寫白字、越寫越矮。(猜物品)

2. 摘下是綠的,切下來是紅的,吐出來是黑的,剩下來是白的。(猜物品)

3. 日落。(猜地名)

4. 好戲上場。(猜地名)

5. 雖有十張口,只有一顆心;要想猜出來,必須動腦筋。(猜字)

6. 踏階而上。(猜成語)

7. 日落半林中。(猜字)

8. 古月照水水長流,水伴古月度春秋。留得水光昭古月,碧波深處好泛舟。(猜字)

9. 日落香殘,洗卻凡心一點。(猜字)

10. 多一點又冷,少兩點又小,換了一畫便是木,挾直兩邊便是川。(猜字)

喺傳統嘅鄉村,特別係客家人就會喺呢日掛花燈,因為「燈」同「丁」發音相近,希望呢日掛喺祠堂度有助添丁。
喺傳統嘅鄉村,特別係客家人就會喺呢日掛花燈,因為「燈」同「丁」發音相近,希望呢日掛喺祠堂度有助添丁。
情人節會食大餐再加多個甜品埋尾,中國情人節當然都有,無論係有情人定一家人,十五呢日都會煮湯圓食,寓意甜甜蜜蜜、團團圓圓。
情人節會食大餐再加多個甜品埋尾,中國情人節當然都有,無論係有情人定一家人,十五呢日都會煮湯圓食,寓意甜甜蜜蜜、團團圓圓。

每個傳統都有佢哋各自應做嘅事或禁忌,原來元宵節都有㗎!聽講元宵當日唔可以借錢畀人亦唔可以洗頭,咁樣代表運氣都被借走、金錢都洗走曬;唔可以著黑色或者白色,因為感覺似素服,會全年唔吉利;小朋友呢日都唔可以哭哭啼啼,咁樣會為家庭帶來霉氣;擺米嘅容器都唔可以見底,見底寓意來年被斷米路;唔好整爛衣物,同樣都會帶霉氣;仲有唔好去啲濕氣重嘅地方同埋全日唔好講粗口,如果唔係都係會衰成年!中國人好重視正月十五呢個日子,全年運勢都係睇呢日造化!

燈謎答案揭曉:
1. 粉筆
2. 西瓜
3. 洛陽 
4. 開羅
5. 思 
6. 步步高升 
7. 東 
8. 湖
9. 禿
10. 水

撰文:沙拉

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0