大家仲記得鄧一君嗎?90年代演出過港片《記得…香蕉成熟時》,仲曾經拍過不少TVB劇集,如《美味天王》、《烈火雄心》、《寵物情緣》等,雖然他早年已經淡出了娛樂圈轉行做保險業,不過他跟影帝古天樂依照老友鬼鬼,近日鄧一君在油麻地開士多賣車仔麵,古仔更親自落區力撐,可見二人兄分情深!
數返鄧一君跟古天樂如何結緣,就是合作演出經典港劇《烈火雄心》,當時還是十八廿二的鄧一君在劇中就是飾演古天樂的智障弟弟劉海寶,劇中古仔便鄧一君照顧有加,二人的兄弟情更加看到觀眾眼濕濕。其後二人都有在劇集《尋秦記》有對手戲,不過得第一集戲份,鄧一君在戲中飾演世界首富李小超,有次邀請項少龍(古天樂飾)時空旅行,原定叫項少龍去秦國影張秦王登基相就返來,點知誤送到登基前的時間,部機仲壞埋回不了現代,令古天樂滯留在秦代。
二人合作雖然幾乎是20年前的事,但二人仍然情同手足,昨日鄧一君在個人facebook公開一張跟古仔坐在車仔麵鋪門前的照片,原來是鄧一君曾經告知古仔開店一事,古仔曾經應承過會到店試食,怎料一個月後,即昨日古仔真的落場「找數」。鄧一君更表示當初古仔得知他開店不停開心恭喜他做老闆,而且識了古仔十多年,鄧一君知道古仔喜歡食魚蛋及燒賣等港式小食,所以昨日都昂時請他食至愛的咖哩魚蛋。
擴文:Kimmy